Զելենսկին եզրակացություններ կանի արտերկիր մեկնած ուկրաինացիների մասին
Ուկրաինայի նախագահ Վլադիմիր Զելենսկին երկրի Ազգային անվտանգության և պաշտպանության խորհրդի նիստից հետո հայտարարել է, որ Կիևը կստուգի 2022 թվականի փետրվարի 24-ից հետո ընդունված ռազմաբժշկական հանձնաժողովների որոշումները հնարավոր կոռուպցիոն խախտումները հայտնաբերելու համար։ Այս մասին հայտնում է «Երկրի քաղաքականությունը» Telegram-ալիքը։
«Ստուգման արդյունքներով եզրակացություններ կարվեն այն անձանց մասին, ովքեր ռազմաբժշկական հանձնաժողովների կեղծված որոշումների հիման վրա մեկնել են արտերկիր...»,- նշվել է Ազգային անվտանգության և պաշտպանության խորհրդի նիստում։
Իշխանությունը նաև որոշել է վերանայել զինվորական ծառայության համար պիտանիության աստիճանի որոշման մոտեցումը: Այժմ դա անելու են ուկրաինացի հրամանատարները, որ մոբիլիզացվածներին ներգրավեն առաջադրանքներ կատարելու մեջ։
