Պետական հեղաշրջման պատճառով պաշտոնանկ արված Գաբոնի ղեկավարը միջազգային աջակցություն է խնդրել

Պետական հեղաշրջման պատճառով պաշտոնանկ արված և կալանքի տակ գտնվող Կենտրոնական Աֆրիկայի Գաբոնի նախկին ղեկավարն օգնություն է խնդրում իր ֆրանսիացի «ընկերներից»: 

Գաբոնի պաշտոնանկ արված ղեկավարը՝ Ալի Բոնգո Օնդիբան տեսաուղերձ է ձայնագրել, որում միջազգային աջակցություն է խնդրում։ Նա հայտնում է, որ գտնվում է իր նստավայրում և չգիտի, թե որտեղ են այժմ կինն ու որդիները։

Հիշեցնենք՝ Գաբոնում անցկացվել են նախագահական ընտրություններ, որոնցում հաղթել է երկրի իշխող ղեկավարը։ Այս փաստը դուր չի եկել զինվորականներին, որոնք այսօր այդ երկրում ռազմական հեղաշրջում են իրականացրել: Գաբոնում զինվորականները հայտարարել են համապետական ընտրությունների արդյունքների չեղարկման և իշխանության ինստիտուտների լուծարման մասին։ Միաժամանակ երկրի բնակիչները հեղաշրջումից հետո փողոցներում ուրախությամբ դիմավորեցին Հանրապետական ​​գվարդիային։