ԼՈՒՍԱՆԿԱՐ. Պետք է վերջ դրվի Ալիևի վարած ցեղասպան քաղաքականությանը. ֆրանսիացի քաղաքական գործիչ
Ֆրանսիայի Սենատի «Հանրապետական» խմբակցության ղեկավար Բրունո Ռետայոն թվիթերյան իր էջում հրապարակել է լուսանկար Բերձորի արգելափակված միջանցքից՝ կից գրելով.
«Կանգնելով արգելափակված Լաչինի միջանցքի առջև՝ ես կոչ եմ անում Ֆրանսիային ընդունել բանաձև՝ միջանցքը մարդասիրական նպատակներով անհապաղ բացելու մասին, որը կտրել է ավտոկրատ Ալիևն անցյալ տարվա դեկտեմբերին։ Պետք է վերջ դրվի նրա վարած ցեղասպան քաղաքականությանը, որը դատապարտվել է ՄՔԴ նախկին գլխավոր դատախազ Լուիս Մորենո Օկամպոյի և ցեղասպանության կանխարգելման հարցերով ՄԱԿ-ի նախկին փորձագետ Խուան Մենդեզի կողմից։ Ժամանակը սպառվում է»,– գրել է նա:
