«Հաց են տալիս, հետո սպանե՞ն»․ Ասկերանի բնակիչը՝ ադրբեջանական «հումանիտար բեռի» մասին․ Civilnet

Հազարից ավելի արցախցիներ փակել են Աղդամից Ասկերան մտնող ճանապարհը՝ թույլ չտալու համար ադրբեջանական հումանիտար բեռի մուտքը։ Հավաքվածները Ասկերանից և հարակից բնակավայրերից են, ինչպես նաև Ստեփանակերտից։ Այս մասին տեղեկանում ենք Civilnet.am-ից, որի հետ զրույցում ասել է Ասկերանի բնակիչ Ալլա Արզումանյանը։

«Նպատակն այն է, որ այդ ալյուրը չմտնի Արցախ, կոտորում են մեզ, հետո ալյուր բերում։ Ոչ լաց է, ոչ ծիծաղ։ Հաց են տալիս, հետո սպանե՞ն»,- լրատվամիջոցի հետ զրույցում ասել է Ալլան։

Ասկերանի բնակիչը նաև հավելել է, որ գիշերը վրաններ են տեղադրում, որ մնան այստեղ։

Հիշեցնենք, որ երեկ ադրբեջանական աղբյուրները տեսանյութ տարածեցին Բաքվից Ստեփանակերտ Կարմիր Մահիկի հովանո ներքո այսպես կոչված հուանիտար բեռ ուղարկելու վերաբերյալ։ Արդեն երեկոյան արցախցիները փակել են Ակնայից (Աղդամից) Ասկերան մտնող ճանապարհը՝ թույլ չտալու համար ադրբեջանական հումանիտար բեռի մուտքը։