Բանակցություններից հետո Ռուսաստանն ու Թուրքիան կարող են մի շարք համաձայնագրեր ստորագրել․ ԶԼՄ

Ռուսաստանն ու Թուրքիան կարող են մի շարք համաձայնագրեր ստորագրել Սոչիում` Պուտինի և Էրդողանի բանակցություններից հետո: Այս մասին փոխանցում է ТАСС-ը՝ հղում անելով Անկարայի իր աղբյուրին։

«Հավանականություն կա, որ Թուրքիան և Ռուսաստանը կարող են մի շարք համաձայնագրեր ստորագրել Սոչիում նախագահների բանակցություններից հետո: Իհարկե, դա կարող է նոր խթան հաղորդել երկու երկրների հարաբերությունների զարգացմանը: Այնուամենայնիվ, ամեն ինչ կախված կլինի երկկողմ բանակցությունների արդյունքներից»,- ասել է լրատվամիջոցի աղբյուրը։

Հիշեցնենք՝ ավելի վաղ հայտնի էր դարձել, որ Ռուսաստանի և Թուրքիայի նախագահների հանդիպումը նախատեսվում է Սոչիում, որպես հնարավոր ամսաթիվ նշվում է սեպտեմբերի 4-ը: Նշենք նաև, որ ի թիվս այլ հարցերի՝ Պուտինն ու Էրդողանը կքննարկեն հացահատիկային գործարքի մասին հարցը։