Պակիստանի նախկին վարչապետ Իմրան Խանի նկատմամբ դատավճիռը կասեցվել է
Պակիստանի դատարանը կասեցրել է նախկին վարչապետ Իմրան Խանի՝ կոռուպցիայի մեղադրանքով դատավճիռը։ Նրան կոռուպցիոն գործով սպառնում էր 3 տարվա ազատազրկում։
Նախկին վարչապետի փաստաբանը հայտնել է, որ առայժմ պարզ չէ՝ արդյոք դա կհանգեցնի նրան բանտից ազատելուն:
Նշենք, որ Իմրան Խանը բանտարկվել էր օգոստոսի 5-ին այն բանից հետո, երբ դատապարտվել էր երեք տարվա ազատազրկման՝ 2018-ից 2022 թվականներին իր վարչապետության ընթացքում պետական նվերներն ապօրինի վաճառելու համար: Դատապարտման արդյունքում, ինչպես նաև առաջիկա ամիսներին սպասվող համընդհանուր ընտրություններով պայմանավորված, Պակիստանի ընտրական հանձնաժողովը նաև Խանին հինգ տարով արգելել է մասնակցել ընտրություններին:
