«Հերթը առաջ տալու» բիզնեսը․ ինչո՞ւ են մարդիկ ամիսներով սպասում վիզա ստանալու իրենց հերթին
Ամռան շոգ օրերը անցնում են՝ իրենց տեղը զիջելով աշնանային հով եղանականերին։ Դրա հետ մեկտեղ նաև պասիվաում է հանգստի մեկնողների թիվը, սակայն վիզաների ու անձնագրայինների հոգնեցնող հերթերը այդպես էլ չեն ավարտվում:
Շատ քաղաքացիներ, որոնք պլանավորել էին իրենց հանգիստն անցկացնել երկրից դուրս, դեռևս սպասում են վիզա ստանալու իրենց հերթին, այնինչ շատ-շատերը անհասկանալի կարճ ժամկետում ստացել են իրենց վիզաներն ու երկրից երկիր են շրջագայում:
Այս առեղծվածի հիմքում ընկած է մի շարք տուրիստական ընկերությունների «հերթ առաջ տալու» բիզնեսը:
Իսկ ի՞նչ է դա նշանակում: Մինչև ուշ գիշեր լինում են դեպքեր, երբ վիզա ստանալու օնլայն համակարգում իրենց հերթից հրաժարվում, այլ կերպ ասած՝ «հերթից դուրս են գալիս» բազմաթիվ քաղաքացիներ, և փաստացի շատ ուշ ժամերի ազատված տեղեր են ի հայտ գալիս, և այս առիթը օգտագործելով՝ տուրիստական շատ ընկերություններ գումարի դիմաց մարդկանց առաջարկում են վիզա ստանալու օրը «առաջ գցել»:
Արդյունքում ոմանք շատ կարճ ժամանակահատվածում ստանում են վիզաներ, ոմանք էլ, տեղյակ չլինելով գործի նրբություններից, ամիսներով սպասում են իրենց հերթին:
