«Դա այնքան էլ լավ նշան չէ»․ Պրիմակովը՝ Կրիվոպուսկովի մուտքը ՀՀ արգելելու մասին

Հայաստանի հետ բարեկամության և համագործակցության ռուսական ընկերության ղեկավար Վիկտոր Կրիվոպուսկովի մուտքը հանրապետություն ՀՀ իշխանությունների կողմից մերժելը «այնքան էլ լավ նշան չէ»։ Այս մասին ՏԱՍՍ–ին ասել է «Ռոսսոտրուդնիչեստվոյի» ղեկավար Եվգենի Պրիմակովը։

«Դա այնքան էլ լավ նշան չէ, և լավ չէ ոչ այնքան մեր նախկին գործընկերոջ կենսագրության առումով, որը ղեկավարում էր մեր մշակութային կենտրոնը դեռ մինչև իմ «Ռոսսոտրուդնիչեստվո» գալը, այլ Ռուսաստանի նկատմամբ Հայաստանի իշխանության վերաբերմունքի տեսանկյունից»,–ասել է նա։

Միևնույն ժամանակ Պրիմակովը նշել է, որ դա որևէ կերպ չի ազդել Հայաստանում Ռոսսոտրուդնիչեստվոյի աշխատանքի վրա։ Նրա խոսքով` ներկայացուցչությունը հաջող գործունեություն է ծավալում Հայաստանում։

Հիշեցնենք՝ ինչպես օգոստոսի 24-ին հայտնել էր ինքը` Կրիվոպուսկովը, Երևանի «Զվարթնոց» օդանավակայանի սահմանապահ ծառայությունը մերժել էր նրա մուտքը Հայաստան։ Հայաստանի պատշոնական մարմինները դեռ չեն մեկնաբանում այս միջադեպը։