Կա բավարար ինֆորմացիա Ջո Բայդենին իմպիչմենթի ենթարկելու համար. ԱՄՆ Ներկայացուցիչների պալատի խոսնակ
ԱՄՆ-ում Ներկայացուցիչների պալատի խոսնակ Քևին Մաքքարթին ասել է, որ հանրապետականների ներկայացուցիչների հավաքած տեղեկատվությունը թույլ է տալիս բարձրացնել ԱՄՆ նախագահ Ջո Բայդենի իմպիչմենթի հարցը։ Այս մասին նա հայտարարել է Fox News-ին տված հարցազրույցում։
Նրա խոսքով՝ եթե գնահատենք հավաքագրված տվյալները, ապա իմպիչմենտի ընթացակարգը բնական քայլ կլինի:
«Միացյալ Նահանգների ղեկավարի ընտանիքը ներգրավված է «կոռուպցիոն մշակույթում»,– ասել է Մաքքարթին։
Քաղաքական գործիչը հավելել է, որ ամերիկյան հանրությունը պետք է ստանա շատերին հուզող թեմաների պատասխանները։
Ավելի վաղ ԱՄՆ կոնգրեսական Մարջորի Թեյլոր Գրինը կոչ էր արել իմպիչմենթի ենթարկել ԱՄՆ նախագահ Ջո Բայդենին՝ Ուկրաինայի նախկին գլխավոր դատախազ Վիկտոր Շոկինի հայտարարությունից հետո, որը վերաբերում էր ԱՄՆ առաջնորդի՝ կոռուպցիայի մեջ ներգրավվածությանը:
