Ադրբեջանում 6–բալանոց երկրաշարժ է եղել

Ադրբեջանում գիշերը երկրաշարժ է եղել, որը զգացել են նաև Արցախում և Սյունիքում։ Տեղեկությունը հայտնում է ՀՀ ՆԳՆ մամուլի ծառայությունը։ 
 

«Օգոստոսի 23-ին` տեղական ժամանակով ժամը 01:23-ին (Գրինվիչի ժամանակով օգոստոսի 22-ին, ժամը 21:23-ին), ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 38.93⁰ և արևելյան երկայնության 49.11⁰ աշխարհագրական կոորդինատներով Ադրբեջան՝ Նեֆթչալա քաղաքից 52 կմ հարավ, օջախի 10 կմ խորությամբ, 4.6 մագնիտուդով երկրաշարժ»,–ասվում է ՄԳՆ հաղորդագրության մեջ: 

Էպիկենտրոնային գոտում ստորգետնյա ցնցման ուժգնությունը կազմել է 6 բալ: 

Երկրաշարժը զգացվել է Արցախում՝ 3 բալ, և Սյունիքի մարզում՝ 2-3 բալ ուժգնությամբ։