![Ադրբեջանցիները հրապարակել են ձերբակալված հայ պահեստազորայինի լուսանկարը](https://auroranews.am/storage/img/base_image/old/cceedab78204da46bbf4026ff5c44080.webp)
Ադրբեջանցիները հրապարակել են ձերբակալված հայ պահեստազորայինի լուսանկարը
![Ադրբեջանցիները հրապարակել են ձերբակալված հայ պահեստազորայինի լուսանկարը](https://auroranews.am/storage/img/base_image/old/cceedab78204da46bbf4026ff5c44080.webp)
Ադրբեջանական լրատվամիջոցները, հղում անելով Ադրբեջանի Պաշտպանության նախարարությանը, տարածում են այսօր ձերբակալված ՀՀ ԶՈւ պահեստազորայինի լուսանկարը։ Հաղորդագրության մեջ նշվում է, որ վերջինս 1983 թվականին ծնված Գագիկ Ոսկանյանն է, որը վիրավորում է ստացել։
Հիշեցնենք, որ ՀՀ ՊՆ հերքել էր Ադրբեջանի ՊՆ-ի տարածած այն հաղորդագրությունը, թե իբր ՀՀ ԶՈՒ-ն սահմանագոտու արևելյան հատվածում դիվերսիոն ներթափանցման փորձ է եղել․
«Նախորդիվ Հայաստանի Հանրապետության պաշտպանության նախարարությունը հայտնել էր, որ նախնական տվյալներով` մարտական դիրքը թողել է պահեստազորային, վարժական հավաքի մասնակից Գ. Ո.-ն:
Քննվում են պահեստազորայինի՝ ադրբեջանական կողմում հայտնվելու հնարավոր վարկածը և բոլոր հանգամանքները»,-ասված է հաղորդագրության մեջ։
ՀՀ ՊՆ-ն էլ րոպեներ առաջ հրապարակել է տեսանյութ, որում երևում է, թե ինչպես են Ադրբեջանի ԶՈՒ մի խումբ զինծառայողներ մոտենում դեռևս չպարզված հանգամանքներում ադրբեջանական կողմում հայտնված պահեստազորային Գ. Ո.-ին, նախ զրուցում նրա հետ, ապա ձերբակալում և մեքենայով տեղափոխում անհայտ ուղղությամբ: