Քաղաքական գործիչը սպանվել է իր տան մոտ․ Էկվադորում շարունակում են սպանել քաղաքական գործիչներին
Էկվադորի Էսմերալդաս նահանգում ձախական «Քաղաքացիական հեղափոխություն» շարժման առաջնորդ Պեդրո Բրիոնեսը սպանվել է իր տան մոտ անհայտ անձանց կողմից։ Դեպքը տեղի է ունեցել երկուշաբթի՝ օգոստոսի 14-ին։ Այդ մասին հայտնել են նրա կուսակից ընկերները։
Մի քանի օր առաջ երկրում սպանվել էր ևս մեկ քաղաքական գործիչ՝ «Կարգ» շարժման նախագահի թեկնածու Ֆերնանդո Վիլյավիսենսիոն։ Օգոստոսի 9-ին նա գնդակահարվել է Կիտոյում հանրահավաքի ժամանակ, ևս ինը մարդ վիրավորվել է։ Նրա գլխին երեք անգամ կրակել են նախընտրական հանդիպումից հետո։
Նշենք, որ օգոստոսի 20-ին Էկվադորում տեղի կունենան արտահերթ նախագահական և խորհրդարանական ընտրություններ։
