Երևանի շենքերից մեկի վերելակի հորանում դիակ է հայտնաբերվել

Երևանի Նոր Նորք վարչական շրջանի շենքերից մեկի վերելակի հորանում դիակ է հայտնաբերվել։ Այս մասին տեղեկանում ենք ՆԳՆ փրկարար ծառայությունից։

«Ճգնաժամային կառավարման ազգային կենտրոնը ժամը 12:56-ին տեղեկություն է ստացել, որ Գյուրջյան փողոցի շենքերից մեկի վերելակի հորանում քաղաքացին ինքնասպանություն է գործել, դին դուրս բերելու համար անհրաժեշտ է փրկարարների օգնությունը»,– ասված է հաղորդագրությունում:

Նշվում է, որ դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Փրկարարները վերելակի հորանից դուրս են բերել Վ․ Մ․-ի (ծնված 1992 թ.) դին և մոտեցրել դի տեղափոխող ավտոմեքենային: