Ամենօրյա պարեկության ընթացքում զորքերի անսովոր տեղաշարժ կամ կուտակում չի արձանագրել, հատկապես Լաչինի միջանցքի մուտքի մոտ։ Այս մասին թվիթերյան իր էջում հայտարարություն է տարածել Հայաստանում ԵՄ առաքելությունը:

«ԵՄ առաքելությունն ամեն օր հետևում է ռազմական և անվտանգության իրավիճակին հայ-ադրբեջանական սահմանային գոտու երկայնքով պարեկություն իրականացնող 4 օպերատիվ բազաներից։ Ելնելով տեղերում առկա տեղեկատվությունից՝ մենք չենք տեսնում զորքերի անսովոր տեղաշարժ կամ կուտակում, հատկապես Լաչինի միջանցքի մուտքի մոտ», - նշվում է հաղորդագրության մեջ։

Այս հայտարարությամբ նրանք փաստացի հերքում են Ադրբեջանի հետ սահմանին զորքերի կուտակման մասին Բաքվի հայտարարությունը։ 

Հիշեցնենք, որ ավելի վաղ Ադրբեջանի ԱԳՆ-ն հայտարարել էր, որ Հայաստանը «սահմանին մեծ քանակությամբ զենք և ռազմական տեխնիկա է կենտրոնացնում ռազմական արկածախնդրության նպատակով»: