Վրաստանում սողանքի հետևանքով զոհերի թիվն ավելացել է

Շովիում սողանքի զոհերի թիվը հասել է 15-ի։ Վրաստանի Տարածաշրջանային զարգացման նախարարության ղեկավարը խոսել է Շովիում սողանքի վայրում տիրող իրավիճակի մասին։

«Աշխատանքներն իրականացվում են առավելագույն ինտենսիվությամբ: Շատ բարդ իրավիճակ է և աշխատանքի համար բարդ պայմաններ, քանի որ իրականում գործ ունենք հսկայական հողատարածքի հետ»,- ասել է Իրակլի Կարսելաձեն:

Շովիում տարերքի դեմ պայքարի համակարգող շտաբի տեղեկատվության համաձայն ՝ որոնումներին մասնակցում է 400 փրկարար և ավելի քան 200 զինվորական:

Կառավարության մամուլի ծառայությունը հայտնել է, որ որոնողափրկարարական աշխատանքների հետ կապված օգնություն են առաջարկել օտարերկրյա պետությունները, սակայն այս փուլում երկրում առկա է այն ամենը, ինչ անհրաժեշտ է սողանքի հետևանքները հաղթահարելու համար:

Հիշեցնենք՝ Շովիում սողանքը տեղի է ունեցել օգոստոսի 3-ին: Դրա հետևանքով վնասվել են կամուրջներն ու ճանապարհները, ինչպես նաև զբոսաշրջային քոթեջները և Sunset Shovi հյուրանոցը: Մինչ այժմ հաջողվել է տարհանել 210 մարդու: