ԼՈՒՍԱՆԿԱՐՆԵՐ․ Կահիրեի կենտրոնում սկսել է այրվել նախարարության պատմական շենքը

Եգպտոսի Կահիրեի կենտրոնում պատմական ոչ իսլամական նախարարությունն սկսել է այրվել շաբաթ օրը, ընդամենը մի քանի օր այն բանից հետո, երբ նրա աշխատակիցները տեղափոխվել են նոր շենք, որը կառուցվել է անապատում, նոր մայրաքաղաքում, Կահիրեից 45 կիլոմետր արևելք: Այս մասին տեղեկացրել է Reuters-ը։ 

Առայժմ հայտնի չէ, թե ինչն է դարձել հրդեհի պատճառ, և արդյոք որևէ մեկը տուժել է։ 

Reuters թղթակցի խոսքով՝ կրակը կլանել է կրոնական պաշտամունքների գործերի նախարարության (Awqaf) շենքի հիմնականում վերին հարկը, չնայած երևում է, թե ինչպես է կրակը մտնում երկրորդ հարկի պատուհաններից ներս։ 

Յոթ հրշեջ մեքենա է գործադրվել, մի քանի ժամ հետո հրդեհը հիմնականում մարվել է։ 

Նշենք, որ շենքի հիմնական մասը կառուցվել է 1898թ., իսկ 1912 և 1927թթ. նրան կից կառուցվել են երկու կողամասեր։ Նախարարության աշխատակիցների մեծ մասը  հուլիսի վերջին տեղափոխվել է նոր մայրաքաղաք՝ հեռու Կահիրեի անկարգություններից և քաոսից։ 

Նախարարության որոշ հին շենքեր կվերապրոֆիլավորվեն Եգիպտոսի Սուվերեն ֆոնդի շրջանակում, և կառավարությունը հույս ունի, որ այդ գործընթացը անհրաժեշտ ներդրումներ կներգրավի և կօգնի վերածնել Կահիրեի կենտրոնը։

[e458959117ea5243546146d40cff27f6.jpg]

[44d9138e82eb4263725fd988c8b18e57.jpg]

[aaa57b77a27f86b61bd4525c98e2575e.jpg]

[50427aa8987a3c8fe9b56f900b8064d9.jpg]

[270642983a6a9c871ab05658841bd257.jpg]

[ef4b7746187435b31c9bf953f415f33e.jpg]