Գիշերը պայթյուն է լսվել Կերչի նեղուցի տարածքում, որտեղ հեռակառավարվող ռազմական նավակի հարձակման հետևանքով խոցվել է ռուսական լցանավ: Տեղեկությունը հաստատել են ռուսական գերատեսչությունները, որոնք հարձակման մեջ մեղադրել են Ուկրաինային։

Ղրիմի կամրջի մոտ ռուսական լցանավի դեմ գիշերային գրոհին մասնակից է եղել Ուկրաինայի անվտանգության ծառայությունը։ Ծովային դրոնը գրոհել է «Սիգ» լցանավը, որը վառելիք էր տանում ռուսական զորքերին։

Պաշտոնական տվյալներով՝ լցանավում 11 մարդ է եղել։ Նրանք տարհանման կարիք չունեն. մի քանիսը բեկորներից փոքր քերծվածքներ ունեն։