ԱՄՆ-ն հայտնել է, որ ՌԴ-ում ընթանում է իրանական «Շահեդ» ԱԹՍ-ների արտադրության գործարանի կառուցումը
ԱՄՆ իշխանությունները հայտնել են, որ Ռուսաստանի Դաշնությունում, ընթանում է Իրանի կողմից մշակված «Շահեդ» անօդաչու թռչող սարքերի արտադրության գործարանի կառուցումը։ Այս մասին հայտարարել է ԱՄՆ Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
Ամերիկացի պաշտոնյայի խոսքով՝ Թաթարստանի Հանրապետությունում կառուցվում է իրանական տիպի անօդաչու թռչող սարքերի գործարան։ Ամերիկյան վարչակազմը կանխատեսում է, որ այն կարող է սկսել աշխատել արդեն 2024 թվականին, քանի որ դրա շինարարությունն ընթանում է շատ ակտիվ տեմպերով։
