Կապանում բացվում է Հայաստանում ԵՄ դիտորդական առաքելության գործառնական կենտրոն
Կապանում բացվում է Հայաստանում ԵՄ դիտորդական առաքելության գործառնական կենտրոն:
Իր խոսքում ՀՀ-ում ԵՄ առաքելության ղեկավար Մարկոս Ռիտերը նշել է, որ ուրախ է` Կապանում առաջին օպերատիվ բազայի բացման համար:
«Ըստ մեր Եվրոպական միության առաքելության պլանի` մենք մտադիր ենք 6 օպերատիվ բազաներ ունենալ Հայաստանում և համարյա մեկ քայլ մոտ ենք մեր պլանների իրականացմանը: Երբ առաջին անգամ 2023 թվականին սկսեցինք մեր աշխատանքը Հայաստանում, ունեինք ընդամենը 2 մշտական աշխատակիցներ»,- նշել է նա:
Ըստ նրա` Կապանից հետո մտադիր են կենտրոններ բացել նաև Իջևանում և Եղեգնաձորում:
Սյունիքի մարզպետ Ռոբերտ Ղուկասյանը կարևորել է կենտրոնի բացումը.
«Այն կապված է սահմանամերձ բնակավայրերում տեղի ունեցող իրադարձությունների հետ։ Շնորհակալություն եմ հայտնում ԵՎ դիտորդական առաքելությանը։ Դիտորդական առաքելության ներկայությունը մեծ զսպողություն կունենա սահմանի երկայնքով, ինչպես նաև կարող է կայունություն բերել Կապանում։ Մեծ հույս ունեմ, որ դիտորդական առաքելությունն իր առաքելությունը կանի այնպես, ինչպես ակնկալում է ժողովուրդը, ովքեր բնակվում են այստեղ և արդյունքները մեզ սպասեցնել չեն տա»,- ասել է նա։
