«Միջուկային զենքի կեսից ավելին արդեն ներկրվել է». Լուկաշենկո
Բելառուսի նախագահ Ալեքսանդր Լուկաշենկոն հայտարարել է, որ «արդեն միջուկային զենքի կեսից ավելին, որը նախատեսվում էր տեղակայել երկրում, ներկրվել և տեղափոխվել է երկրով մեկ», բայց հույս է հայտնել, որ հնարավոր կլինի խուսափել դրա կիրառումից:
«Միջուկային զենքը անվտանգություն է... Աստված մի արասցե, որ պետք լինի օգտագործել այդ զենքը։ Ես, այնուամենայնիվ, հույս ունեմ, որ դա չի լինի», - ասել է նա Բրեստի մարզ կատարած աշխատանքային այցի ընթացքում:
«Մենք կապահովենք մեզ և մեր անվտանգությունը՝ հաշվի առնելով մեր ընկերների օգնությունը», - ընդգծել է Բելառուսի նախագահը։
