Ուկրաինայի ՊՆ-ն և թուրքական Բայքար ընկերությունը համաձայնագիր են կնքել
Ուկրաինայում ԱԹՍ-ների վերանորոգման սպասարկման կենտրոնի կառուցման մասին համաձայնագիր են ստորագրել երկրի պաշտպանության նախարարությունն ու թուրքական «Բայքար» ընկերությունը։ Այս մասին հայտնում է Ուկրաինայի պաշտպանության նախարարության մամուլի ծառայությունը։
«Պաշտպանության նախարարությունը և Բայքար Մակինան պայմանագիր են ստորագրել Ուկրաինայում անօդաչու թռչող սարքերի վերանորոգման սպասարկման կենտրոնի կառուցման մասին։ Դա արվել է Ուկրաինայի և Թուրքիայի Հանրապետության կառավարությունների միջև համագործակցության շրջանակում․․․»,- ասված է գերատեսչության կայքում տեղադրված հաղորդագրության մեջ։
Հստակեցվում է, որ կենտրոնի ստեղծումը տեղի կունենա մոտ ապագայում։
Թուրքական Baykar ընկերության գործադիր տնօրեն Հալուք Բայրաքթարը հունիսին ասել էր, որ ակնկալում է 2025 թվականին Ուկրաինայում սկսել Bayraktar TB2 և Bayraktar Akinci մարտական անօդաչու թռչող սարքերի արտադրությունը։
