Ռուանդայի զորքերը ներխուժել են Կոնգոյի սահման․ Reuters

Ռուանդայի զորքերը հատել են Կոնգոյի Դեմոկրատական ​​Հանրապետության (ԿԴՀ) հետ սահմանը և մտել նրա տարածք։ Այս մասին հայտնում է Reuters-ը՝ հղում անելով ԿԴՀ-ի զինված ուժերի հրամանատարության հայտարարությանը։ 

Ռուանդայի ստորաբաժանումները հարձակվել են Կոնգոյի անվտանգության ուժերի դիրքերի վրա, ինչին պատասխան են ստացել և ստիպված են եղել նահանջել։ Զինվորների թիվը դեռևս անհայտ է, բախումների ընթացքում հնարավոր զոհերի մասին տեղեկություններ չկան։ 

Երկու հարևան պետությունների միջև հակամարտությունը սրվեց դեռևս 2021 թվականի հունվարին, երբ «Մարտի 23-ի շարժման» խմբավորման անդամները հարձակողական գործողություններ սկսեցին ԿԴՀ-ի արևելքում: Կոնգոյի իշխանությունները Ռուանդային մեղադրում են այս ապստամբների հետ մեղսակցության մեջ։ 

ՄԱԿ-ի փորձագետները հայտնել են, որ ապացույցներ ունեն, որ Ռուանդայի զորքերը կռվել են Կոնգոյի արևելյան հատվածում M23-ի կողմից և ապստամբներին մատակարարել զենք ու անհրաժեշտ պարագաներ: