Հարձակման փորձ․ Մերձմոսկվայում ուկրաինական անօդաչու է խոցվել

Մոսկվայի քաղաքապետ Սերգեյ Սոբյանինը հայտնել է, որ ուրբաթ գիշերը ոչնչացվել է հակառակորդի անօդաչու թռչող սարք, ավերածություններ և վիրավորներ չկան։
 

«Գիշերը հակառակորդի անօդաչու թռչող սարքի հարձակման փորձ է եղել, որը կասեցվել  է պաշտպանության նախարարության ուժերի կողմից, վնասներ և զոհեր չկան»,- գրել է նա Telegram-ի իր ալիքում։

Իր հերթին, ՌԴ ՊՆ-ն հանդես է եկել հաղորդագրությամբ, որում նշում է, որ ուկրաիանական անօդաչուի թիրախները եղել են Մերձմոսկվայի օբյեկտները։ 

«Անօդաչու թռչող սարքը ոչնչացվել է հակաօդային պաշտպանության միջոցով», - հայտնել են նախարարությունից։