Ավստրալացի թոշակառուն նվիրել է բազմոցը, սակայն մոռացել է, որ այնտեղ է թաքցրել 30,000 դոլար
Ավստրալացի տարեց տղամարդը տան վերանորոգումից հետո կահույքը դեն նետելու փոխարեն որոշել է բարեգործություն կատարել` նվիրելով իր բազմոցը, սակայն կարճ ժամանակ հետո հիշել է, որ այնտեղ 30 հազար դոլար էր թաքցրել: Այս մասին գրում է Gazeta.ru-ն` հղում անելով LADBible-ին։ Այժմ թոշակառուն հույս ունի, որ կահույքի նոր սեփականատերը կվերադարձնի գումարը։
«Ես չեմ կարող հավատալ, թե որքան հիմար եմ եղել», - քննադատել է իրեն ավստրալացին:
Ցավոք, Ջորջ անունով տղամարդը չի կարողացել ճշտել, թե ում է վաճառվել կահույքը: Այժմ տղամարդը հույս ունի, որ բազմոցի նոր տերը կգտնի գումարը և կվերադարձնի այն։ Թոշակառուն նաև մի քանի գրառում է կատարել սոցցանցերում՝ պարգևներ խոստանալով իր գույքը վերադարձնողներին։
«Եթե ես հետ ստանամ փողի մի մասը, երջանիկ կլինեմ», - ավելացրել է նա:
