ԱՄՆ Սենատը հաստատել է 2024-ի ֆինանսական տարվա պաշտպանական բյուջեն
ԱՄՆ Սենատն ընդունել է 886 միլիոն դոլար արժողությամբ պաշտպանական բյուջեի նախագիծը 2024 ֆինանսական տարվա համար՝ համաձայն նախագահ Ջո Բայդենի բյուջեի պահանջի, հայտնում են ԶԼՄ-ները:
Բյուջեին կողմ է քվեարկել 86 սենատոր, դեմ՝ 11: Դեմոկրատների և հանրապետականների նման միաձայնությունը շատ տարբերվում էր ավելի վաղ Ներկայացուցիչների պալատի կողմից նախագծի անցկացումից, որտեղ քննարկման ընթացքում բազմիցս տեղի էին ունենում միջկուսակցական բախումներ սոցիալական հարցերի շուրջ, ասվում է Associated Press-ի ( AP) գործակալության նշումներում։
«Սենատում օրինագծի վերաբերյալ երկկուսակցական ուժեղ քվեարկությունը կարող է խթան հանդիսանալ փաստաթղթի վերջնական տարբերակի ընդունման համար», - նշել է գործակալությունը, թեև ԱՄՆ Կոնգրեսի պալատները դեռ պետք է համաձայնեցնեն այն մինչև ուղարկելը նախագահի հաստատմանը:
Համաձայնագիրը «կարող է թեստ լինել Ներկայացուցիչների պալատի խորը բաժանման համար, քանի որ ավանդաբար երկկուսակցական օրինագիծը ուղեկցվում է ռասայի, հավասարության և կանանց առողջության շուրջ վեճերով, որոնք Հանրապետական կուսակցության համար քաղաքական առաջնահերթություններ են», ավելացնում է AP-ն:
The Hill-ը, մեկնաբանելով Սենատի բյուջեի տարբերակը, ուշադրություն է հրավիրում այն փաստի վրա, որ այն նախատեսում է 5,2% աշխատավարձի բարձրացում զինվորական անձնակազմի համար, ինչպես նաև «9,1 միլիարդ դոլար՝ Չինաստանի հետ մրցունակության բարձրացմանն ուղղված տարբեր միջոցառումների համար, իսկ 300 միլիարդ դոլար՝ Ուկրաինայի համար»։
Թերթը նշում է, որ «թեև գործընթացն այս անգամ հարթ է ընթացել, իրական շոուն տեղի կունենա առաջիկա ամիսներին, քանի որ երկու պալատները կփորձեն համաձայնության գալ երկու առաջարկների շուրջ և ընդունել բյուջեի ընդհանուր առաջարկ»:
