Ես չեմ թերագնահատում թշնամուն․ ուկրաինացի հրամանատարը՝ երկրի ԶՈՒ հակահարձակման մասին
Ուկրաինայի Զինված ուժերի «Տավրիա» խմբավորման հրամանատար Ալեքսանդր Տարնավսկին խոստովանել է, որ ռուս զինվորականների մասնագիտական որակները թույլ չեն տալիս Կիևին հաջողության հասնել մարտի դաշտում, գրում է ТАСС-ը։
Բրիտանական BBC հեռուստաընկերությանը տված հարցազրույցում նա ասել է, որ ռուս զինվորականները Ուկրաինայի անվտանգության ուժերին առաջ շարժվելու հնարավորություն չեն տալիս։ «Ես չեմ թերագնահատում թշնամուն», - ասել է պատերազմի հրամանատարը, որը նախկինում մատնանշել էր առաջխաղացման դանդաղ տեմպերը:
Ավելի վաղ Ուկրաինայի պաշտպանության նախարար Ալեքսեյ Ռեզնիկովը CNN-ին տված հարցազրույցում խոստովանել է, որ հակահարձակումը ժամանակացույցից հետ է անցել, ինչը պայմանավորված է զինամթերքի և հակաօդային պաշտպանության համակարգերի բացակայությամբ։ Ռազմաօդային ուժերի խոսնակ Յուրի Իգնատը նշել է ռադիոէլեկտրոնային պատերազմում ռուսական զորքերի գերազանցությունը՝ դա համարելով հակահարձակման դադարեցման պատճառներից մեկը։
Ինչպես հայտնում են ՌԴ ՊՆ-ից, ուկրաինական բանակը հունիսի 4-ից անհաջող հարձակման փորձեր է ձեռնարկում։ Հուլիսի 11-ին ՌԴ պաշտպանության նախարար Սերգեյ Շոյգուն հայտարարել է, որ Ուկրաինայի զինված ուժերը հակահարձակման մեկնարկից ի վեր կորցրել են ավելի քան 26 հազար մարդու։ ՌԴ նախագահ Վլադիմիր Պուտինն ընդգծել է, որ ուկրաինական զորքերը ոչ մի ուղղությամբ հաջողություն չեն ունենում։ Հուլիսի 23-ին Սանկտ Պետերբուրգում Բելառուսի առաջնորդ Ալեքսանդր Լուկաշենկոյի հետ հանդիպմանը նա հայտարարեց Կիևի հակահարձակման ձախողման մասին։
