Հացահատիկի գործարքի դադարեցումից հետո Հյուսիսատլանտյան դաշինքը կուժեղացնի հետախուզությունը Սև ծովի տարածաշրջանում, այդ թվում՝ անօդաչու սարքերի օգնությամբ, ասվում է Ուկրաինա-ՆԱՏՕ խորհրդին հաջորդած հայտարարության մեջ։
 

Դաշինքը և նրա անդամները, ըստ РИА Новости-ի մեջբերած փաստաթղթի, «ավելացնում են հսկողությունն ու հետախուզությունը Սև ծովի տարածաշրջանում, այդ թվում՝ ծովային պարեկային ինքնաթիռների և անօդաչու թռչող սարքերի միջոցով»։

Դաշինքի տվյալներով՝ ՆԱՏՕ-ի ներկայությունը տարածաշրջանում ուժեղացել է անցյալ տարի, այդ թվում՝ Բուլղարիայում և Ռումինիայում երկու նոր բազմազգ մարտական ​​խմբերի միջոցով։