Ադրբեջանի պաշտպանական արդյունաբերության նախարար Մադաթ Ղուլիևը, որը Թուրքիայում էր պաշտպանական արդյունաբերության IDEF-2023 միջազգային ցուցահանդեսին մասնակցելու համար,  նախարարության գործարանում տեղի ունեցած պայթյունի պատճառով ընդհատել է այցը՝ վերադառնալով Բաքու։ Այս մասին հայտնում են ադրբեջանական ԶԼՄ-ները։
 

Ղուլիևը շտապ մեկնել է Շիրվան։ 
 

Մադաթ Ղուլիևը և նախարարության աշխատակիցները, ինչպես նաեւ քաղաքի դատախազն այցելել են պատահարի վայր եւ մանրամասն տեղեկություն ստացել։ 
 

Հիշեցնենք, որ այսօր Ադրբեջանի պաշտպանական արդյունաբերության նախարարության  «Շիրվան-Արազի գործարան» ՍՊԸ-ում տեղի էր ունեցել պայթյուն պայթուցիկ նյութի ռեդուկտորի սեղմումից, որի հետեւանքով մեկ մարդ զոհվել էր, մեկ հոգի ձեռքի վնասվածք էր ստացել։