Իսպանիայի խորհրդարանական ընտրություններում հաղթել են պահպանողականները
Իսպանիայի խորհրդարանական ընտրություններում հաղթել են պահպանողականները։ Խորհրդարանում 136 տեղ կզբաղեցնի պահպանողական Ժողովրդական կուսակցությունը՝ Ալբերտո Ֆեյխոյի գլխավորությամբ։
Իսպանիայի Սոցիալիստական աշխատավորական կուսակցությունը՝ վարչապետ Պեդրո Սանչեսի գլխավորությամբ օրենսդիր մարմնում կստանա 122 մանդատ։ Սրանք Իսպանիայի խորհրդարանական ընտրությունների նախնական արդյունքներն են։
Ընտրողների 12,4 տոկոսը քվեարկել է Vox կուսակցության օգտին՝ 33 տեղ խորհրդարանում։ «Սումար» կուսակցությունը՝ աշխատանքի և սոցիալական հարցերի ներկայիս նախարար Յոլանդա Դիասի գլխավորությամբ կստանա 31 տեղ։
