Պատմության մեջ առաջին անգամ ԱՄՆ ռազմածովային ուժերը կարող է կին ղեկավարել
Պատմության մեջ առաջին անգամ ԱՄՆ ռազմածովային ուժերը կարող է կին ղեկավարել: Նախագահ Ջո Բայդենը ԱՄՆ ռազմածովային ուժերի շտաբի պետի պաշտոնում առաջադրել է ծովակալ Լիզա Ֆրանչետիի թեկնածությունը։
«Նա պատմության մեջ երկրորդ կինն է, ով ստացել է ԱՄՆ ռազմածովային ուժերի չորս աստղ ուեցող ծովակալի կոչում։ Եթե նրա թեկնածությունը հաստատվի, նա կրկին կմտնի պատմության մեջ որպես առաջին կին, ով զբաղեցրել է ռազմածովային շտաբի պետի պաշտոնը և շտաբի պետերի միացյալ կազմի մեջ է ներառված», - ասվում է Բայդենի հայտարարության մեջ, որը մեջբերում է Սպիտակ տան մամուլի ծառայությունը:
Ըստ Reuters-ի՝ Բայդենի որոշումն անակնկալ էր. Պենտագոնն ակնկալում էր, որ ԱՄՆ ռազմածովային ուժերի շտաբի պետի պաշտոնը կզբաղեցնի ծովակալ Սամուել Պապարոն՝ Խաղաղօվկիանոսյան նավատորմի ներկայիս հրամանատարը, ով Չինաստանից աճող մարտահրավերներին դիմակայելու փորձ ունի:
