Պատերազմի ընթացքում արևմտյան սարքավորումները, որոնք որպես ռազամական ավար են վերցվել, կուսումնասիրեն ռուս ինժեներները: 

Ասել է ՌԴ նախագահ Վլադիմիր Պուտինը: 

Նրա խոսքով, եթե հնարավորություն կա «ներս նայել» և տեսնել, թե ինչ կարելի է կիրառել նաեւ մեզ մոտ, ապա տեխնիկան պետք է ուսումնասիրել։ 

ՌԴ նախագահ Վլադիմիր Պուտինը ռուսական T-90 «Прорыв» տանկն է անվանել աշխարհում լավագույնը։ Ուկրաինայի բոլոր փորձերը՝ ճեղքելու ռուսական ուժերի պաշտպանությունը, անհաջող են անցել հակահարձակման ողջ ընթացքում։ Նա նաև նշել է, որ դրական է գնահատում հատուկ ռազմական գործողության ընթացքը։

«Մեր զորքերը հերոսաբար են դրսևորում իրենց։ Հակառակորդի համար անսպասելիորեն որոշ տարածքներում նրանք իրենք են անցնում հարձակման, գրավում են առավել շահեկան դիրքերը»,- նշել է Պուտինը։