Բայդենը ցամաքային պատերազմի է պատրաստվում Ռուսաստանի հետ. Ռոբերտ Քենեդի կրտսեր
ԱՄՆ նախագահի թեկնածու Ռոբերտ Քենեդի կրտսերը քննադատել է գործող նախագահ Ջո Բայդենին՝ Եվրոպայում տեղակայված 100 000 զինծառայողներից բացի ևս 3000 պահեստազորայինների զորակոչելու համար։
Նրա կարծիքով՝ սա պատրաստություն է Ռուսաստանի հետ ցամաքային պատերազմի։ Հավելենք, որ նախկին նախագահ Դոնալդ Թրամփը նախկինում Բայդենի հրամանագիրն անվանել էր երրորդ համաշխարհային պատերազմի նախապատրաստություն։
«Ես ուզում եմ, որ մարդիկ հասկանան, թե ինչի համար է այս մոբիլիզացիան։ Սա Ռուսաստանի հետ ցամաքային պատերազմի նախապատրաստություն է»,- գրել է Քենեդի կրտսերը:
