Հասարակություն

Արցախում մանկապարտեզների հետագա գործունեության հարցը խնդրահարույց է

Արցախում մանկապարտեզների հետագա գործունեության հարցը խնդրահարույց է
Շրջափակման պայմաններում սննդամթերքի մատակարարման և վառելիք չունենալու պատճառով մանկապարտեզների գործունեության շարունակականության հարցը խնդրահարույց է։ «Արցախպրես»-ի հաղորդմամբ` այս մասին ասել է…

Շրջափակման պայմաններում սննդամթերքի մատակարարման և վառելիք չունենալու պատճառով մանկապարտեզների գործունեության շարունակականության հարցը խնդրահարույց է։ «Արցախպրես»-ի հաղորդմամբ` այս մասին ասել է Արցախի Հանրապետության ԿԳՄՍ նախարար Նորայր Մկրտչյանը։

 

«Փորձելու ենք հուլիս ամսվա ընթացքում շարունակել ապահովել  նախադպրոցական հաստատությունների գործունեությունը: Եթե իրավիճակը մնա անփոփոխ, ապա ցավով պիտի նշեմ, որ, ամենայն հավանականությամբ, օգոստոսին  հնարավորություն չենք ունենա ապահովելու մանկապարտեզների գործունեությունը»,- նշել է նախարարը:

 

Ն. Մկրտչյանն ընդգծել է, որ ստեղծված իրավիճակում  նախապատրաստական աշխատանքները պիտի իրականացվեն ակտիվորեն, որպեսզի ձմռանը նախապատրաստվելու միջոցառումների շրջանակում կարողանան լուծել կրթօջախների ջեռուցման հարցը:

 

«Խնդիրները բարդ  են, բայց մենք փորձելու ենք սեպտեմբերի 1-ին լիարժեք սկսել   նոր ուսումնական տարին։ Անկախ ամեն ինչից` պիտի ապահովենք մատաղ սերնդի  կրթությունը, քանի որ այն բավականին կարևոր ռազմավարական ուղղություն է, և մեր պայքարում հաղթելու համար ոչ միայն ուժեք բազուկ է պետք, այլև պայծառ միտք և բավականին հարուստ գիտելիքներ»,- եզրափակել է Արցախի ԿԳՄՍ նախարարը:

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7353) Միջազգային (3215) ԱՄՆ (2277) Ռուսաստան (2079) Իրան (1732) Ընտրություններ (1270) Ուկրաինա (818) Երևան (795) Իսրայել (758) Ադրբեջան (614) Փաշինյան (558) Եվրոպա (510) Ընդդիմություն (434) Թրամփ (427) Ազգային ժողով (403)

Radio Aurora

Լսել Radio Aurora

Գովազդային տարածք

300x250