Տոննաներով կոկաինով բարձված նավ է գտնվել

Սիցիլիայի ափերի մոտ ձկնորսական նավի վրա հայտնաբերվել և առգրավվել է կոկաինի ռեկորդային խմբաքանակ։ Նավում եղել է 5,3 տոննա քաշով և 850 միլիոն եվրո արժողությամբ կոկաին։ Այդ մասին տեղեկությունը հայտնում է ANSA-ն։

Նշվում է, որ միջադեպից հետո ձերբակալվել է 20 մարդ, այդ թվում՝ նավի անձնակազմի հինգ անդամները, ինչպես նաև ևս 15-ը՝ Պալաուի դրոշով առևտրական նավից, որի միջոցով փոխադրվել է թմրանյութը։

Պալաուի դրոշով նավում ձերբակալվածների շարքերում են եղել ուկրաինացիներ, թուրքեր ինչպես նաև ադրբեջանցիներ։ Միջադեպից հետո  ոստիկանները նավերը տեղափոխել են Պալերմոյի նավահանգիստ։

Ընդհանուր ձերբակալվածների թվում կան նաև Իտալիայի, Թունիսի և Ֆրանսիայի քաղաքացիներ։