Մասկը մեկ օրում կորցրել է 20,3 միլիարդ դոլար
Միլիարդատեր, թվիթերի սեփականատեր Իլոն Մասկը մեկ օրում կորցրել է 20,3 միլիարդ դոլար։ Այս մասին հայտնում է Bloomberg-ը։
Հաղորդվում է, որ Tesla էլեկտրական մեքենաների ընկերության արժեթղթերի գինն ընկել է, ինչի պատճառով գործարարն ընդամենը մեկ օրում կորցրել է միլիարդավոր դոլարներ։
Մասկի զուտ կարողությունը կրճատվել է մինչև 234,4 միլիարդ դոլար. պատճառը Tesla-ի արժեթղթերի 9,7%-ով անկումն էր Մասկի հայտարարություններից հետո, թե ընկերությունը կարող է ստիպված լինել շարունակել նվազեցնել իր արտադրանքի գները։
Չնայած կորուստներին՝ ամերիկացի գործարարը շարունակում է մնալ աշխարհի ամենահարուստ մարդը։ Մասկին է հաջորդումմիլիարդատեր, LVMH ընկերությունների խմբի (Louis Vuitton Moet Hennessy) սեփականատեր Բեռնար Առնոն:
