ԱՄՆ-ը ցանկանում է պատժամիջոցներ կիրառել Ղրղզստանի դեմ

Ամերիկյան իշխանությունները քննարկում են Ղրղզստանի դեմ պատժամիջոցներ սահմանելու հարցը՝ Բիշքեկին ստիպելու համար դադարեցնել պատժամիջոցների տակ գտնվող ապրանքների ենթադրյալ արտահանումը Ռուսաստան, գրում է The Washington Post-ը։

«Բայդենի վարչակազմը նոր տնտեսական միջոցներ է պատրաստում, որպեսզի ստիպեն երկրին դադարեցնել այդ առևտուրը», - գրում է The Washington Post-ը:

Ինչպես գրում է հրատարակությունը՝ վկայակոչելով ամերիկացի պաշտոնյաներին, ԱՄՆ-ի նոր պատժամիջոցները կարող են սահմանվել արդեն այս շաբաթ, փոխանցում է RT-ն։

Հունիսին ուժի մեջ է մտել Ռուսաստանի դեմ ԵՄ պատժամիջոցների 11-րդ փաթեթը։ Առաջին 10-ը վերաբերում էր Ռուսաստանի հետ ԵՄ կապերին, իսկ 11-րդը ճանապարհ է բացում ԵՄ պատժամիջոցների համար երրորդ երկրների ընկերությունների դեմ, որոնք համագործակցում են Ռուսաստանի հետ: