ՏԵՍԱՆՅՈՒԹ. Ֆրանսիայի անկարգությունները տարածվել են Բելգիայում և Շվեյցարիայում
Ֆրանսիայի անկարգությունները տարածվել են Բելգիայում և Շվեյցարիայում: Ականատեսները և տեղական լրատվամիջոցները կադրեր են տարածում սոցիալական ցանցերում:
Նախ, մարդիկ բելգիական Բրյուսելում գնացել են հանրահավաքների։ Այնտեղ ամեն ինչ համեմատաբար խաղաղ է ընթացել։ Իրավապահները ընտրողաբար ստուգել են կասկածներ առաջացնող անձանց:
Իսկ Շվեյցարիայի Լոզան քաղաքում գիշերային անկարգությունների ժամանակ յոթ մարդ է բերման ենթարկվել, որոնցից վեցը անչափահաս են, գրում է 20Minutes-ը՝ վկայակոչելով ոստիկանությանը։
«Բերման ենթարկվածները 15-ից 17 տարեկան են։ Միակ չափահաս ձերբակալվածը 24 տարեկան է»,- ասվում է հրապարակման մեջ։
Պարբերականը նշում է, որ խռովարարներին ոգեշնչել է հարեւան Ֆրանսիայում տիրող իրավիճակը։ Սոցցանցերում փողոց դուրս գալու կոչեր են տարածվել։ Միաժամանակ Շվեյցարիայի իշխանությունները վստահեցնում են, որ լիովին վերահսկում են իրավիճակը։
