ԼՈՒՍԱՆԿԱՐՆԵՐ. Ֆրանսիայում անկարգությունների 5-րդ գիշերվա ընթացքում 486 մարդ է բերման ենթարկվել

Ֆրանսիայում անկարգությունների հինգերորդ գիշերվա ընթացքում 486 մարդ է բերման ենթարկվել։ Ֆրանսիայի ներքին գործերի նախարար Ժերալդ Դարմանինը կարծում է, որ գիշերն համեմատաբար հանգիստ է անցել «անվտանգության ուժերի վճռական գործողությունների շնորհիվ», գրում է kommersant.ru-ն։

Ներքին գործերի նախարարությունն անկարգությունների հետ կապված մոտ 45 հազար ոստիկան է տեղակայել։

Ֆրանսիայում բողոքի ցույցերը սկսվել են հունիսի 27-ին։ Պատճառը ոստիկանների կողմից Փարիզի արվարձան Նանտերի բնակիչ, 17-ամյա Նահելի սպանությունն էր։

Ցուցարարները դուրս են եկել փողոցներ, այրվել է ավելի քան 1300 մեքենա, ևս 234 շենք հրկիզվել կամ վանդալիզմի է ենթարկվել։ Բազմաթիվ երիտասարդներ ներգրավված են անկարգությունների մեջ։ Ներքին գործերի նախարարությունը բերման ենթարկվածների միջին տարիքը գնահատել է 17, սակայն նրանց թվում եղել են նաև 13 տարեկաններ։

[d74fb70d344dd7b9c7152bb3497c8bc1.jpg]

[27f502b54ad96a8473f86529d3d4c96c.jpg]

[9768968d45a95a22369c98d1abe760f1.jpg]

[79276f0aa7eb168cc237ad76ce7b8978.jpg]

[2c0d707946105f805e4ae54ee18a431f.jpg]

[194e40dc4de794c5416fa1fc42662e87.jpg]

[98df8965005c94506cfd910b6a79b245.jpg]

[ad3bef7cf760665089374a0ecbd99f7c.jpg]

[a8abda87600c94630f7a5cf47aeaed6f.jpg]

[001d3496d4efadb5f1e9b2887e23b930.jpg]