Օրերս Ռուսաստանը կպայթեցնի Զապորոժիեի ատոմակայանը. Զելենսկի
Ուկրաինայի նախագահ Զելենսկին իսպանացի լրագրողներին վստահեցնում է, որ օրերս Ռուսաստանը կպայթեցնի Զապորոժիեի ատոմակայանը.
«Նա (Պուտինը) անվերահսկելի է նույնիսկ իր տարածքում։ Փաստն այն է, որ կայանը ականապատված է, և Ատոմային էներգիայի գործակալությունը հաստատում է դա։ Եթե մենք կարողանանք վերահսկողությունը փոխանցել ՄԱԳԱՏԷ-ին, նրանք այն կպայթեցնեն հեռակա կարգով», ասել է Զելենսկին:
Հավելենք, որ ավելի վաղ ՄԱԳԱՏԷ-ի ղեկավար Ռաֆայել Գրոսին հույս էր հայտնել, որ մինչև այս տարվա վերջ Զապորոժիեի ատոմակայանի շուրջ անվտանգության գոտի կստեղծվի։
Հիշեցնենք` Զապորոժիեի ԱԷԿ-ը գտնվում է Դնեպրի ձախ ափին՝ Էներգոդար քաղաքի մոտ։ Բլոկների թվով և հաստատված հզորությամբ ամենամեծ ատոմակայանն է Եվրոպայում։ ԱԷԿ-ում վեց էներգաբլոկ է տեղադրված։ Մարտից ի վեր Զապորոժիեի ԱԷԿ-ը գտնվում է ՌԴ զինվորականների պահպանության ներքո։ ՌԴ ԱԳՆ-ն ընդգծել է, որ այդ քայլն անհրաժեշտ է միջուկային և ռադիոակտիվ նյութերի արտահոսքը կանխելու համար:
