Հայտնի է, թե ինչ օգնություն կտրամադրի Իսպանիան Ուկրաինային

Իսպանիան կաջակցի Ուկրաինային «այնքան, որքան անհրաժեշտ է»։ 

Այս մասին Կիևում Զելենսկու հետ հանդիպման ժամանակ հայտարարել է Իսպանիայի վարչապետ Պեդրո Սանչեսը։ 

Ելույթ ունենալով Ուկրաինայի խորհրդարանի առջև՝ Սանչեսը խոստացել է աջակցել Ուկրաինային «այնքան ժամանակ, որքան դա կպահանջվի, և անկախ նրանից, թե ինչ գին պետք է վճարել»: 

Իսպանիան Ուկրաինա կուղարկի ևս 4 Leopard տանկ, ինչպես նաև զրահափոխադրիչներ և շարժական դաշտային հոսպիտալ։

Բացի այդ, Սանչեսը հայտարարել է Ուկրաինային տրվելիք 55 մլն եվրոյի չափով օգնության նոր փաթեթի մասին, այդ թվում՝ 51 մլն եվրո՝ Համաշխարհային բանկի միջոցով՝ Ուկրաինայում փոքր ու միջին բիզնեսի ֆինանսավորման համար։