Զելենսկին չի մասնակցի Վիլնյուսում կայանալիք ՆԱՏՕ-ի գագաթնաժողովին. հայտնի է պատճառը
Ուկրաինայի նախագահ Վլադիմիր Զելենսկին չի մասնակցի Վիլնյուսում կայանալիք ՆԱՏՕ-ի գագաթնաժողովին, քանի դեռ դաշինքին անդամակցելու մասին որոշում չի կայացվել։ Այս մասին հունիսի 29-ին հայտարարել է նախագահի աշխատակազմի ղեկավարի տեղակալ Իգոր Ժովկվան։
«Ուկրաինան ցանկանում է ՆԱՏՕ-ին անդամակցելու գործընթացը սկսելու հրավեր ստանալ հաջորդ ամիս ռազմական դաշինքի գագաթնաժողովում, և նախագահ Վլադիմիր Զելենսկին չի մասնակցի,եթե առաջնորդները «քաջություն» չցուցաբերեն», - ասել է նա:
Հրապարակման մեջ նշվում է, որ Կիևը ցանկանում է, որ նրանք դաշինքին անդամակցելու հրավեր ստանան հուլիսի 11-12-ը Վիլնյուսում կայանալիք ՆԱՏՕ-ի գագաթնաժողովում։
«Խնդրում ենք սկսել ընթացակարգը», - ասել է Ժովկվան։
Ավելի վաղ ՆԱՏՕ-ի գլխավոր քարտուղար Ենս Ստոլտենբերգը հայտարարել էր, որ ՆԱՏՕ-ն և Եվրամիությունը աջակցության ուժեղ ազդանշան կուղարկեն Ուկրաինային Վիլնյուսում կայանալիք դաշինքի գագաթնաժողովում։ Նա նաև ասել էր, որ ՆԱՏՕ-ն Վիլնյուսի գագաթնաժողովում կամրապնդի քաղաքական կապերը Կիևի հետ։ Ստոլտենբերգը նշել է, որ հանդիպման շրջանակում դաշնակիցները պայմանավորվելու են երկրին օգնության բազմամյա փաթեթի շուրջ։
