ՆԱՏՕ-ն կապ է հաստատել ՌԴ պաշտպանության նախարարության հետ. La Repubblica
ՆԱՏՕ-ն վախենում է միջուկային միջադեպից, որի կապակցությամբ դաշինքը և ՌԴ ՊՆ-ն «ոչ պաշտոնական շփումներ» են անցկացրել «Վագների» հետ կապված իրավիճակի վերաբերյալ։ Նման հայտարարություն կա La Repubblica թերթում կիրակի օրը տեղադրված նյութում։
«Ռուսաստանի պաշտպանության նախարար Սերգեյ Շոյգուն «համարվում է ամենահուսալի զրուցակիցը»»-, նշում է թերթը։
Նրա վարկածի համաձայն՝ «ԱՄՆ նախագահ Ջո Բայդենի և եվրոպական առաջատար պետությունների ու կառավարությունների ղեկավարների» բանակցությունների կենտրոնական թեմաները, որոնց թվում չի եղել Իտալիայի վարչապետ Ջորջի Մելոնին, հենց էսկալացիայի ռիսկից խուսափելն ու «միջուկային ծրագրի կանխումն է»։
Թերթի տվյալներով՝ ՆԱՏՕ-ի ուշադրությունը կենտրոնացել է անհապաղ օգտագործման համար պատրաստ ավելի քան 1400 միջուկային մարտագլխիկների վրա։ Հրապարակման հեղինակների խոսքով՝ Արեւմուտքը ցանկացել է անմիջապես հասկացնել, որ իր «ուժերը որեւէ դեր չեն խաղում ապստամբների կողմից որոշվող գործողություններում»։
