Լավրովը կոշտ է արտահայտվել Զելենսկիի հոգեբանական վիճակի մասին
ՌԴ ԱԳ նախարար Սերգեյ Լավրովը լրագրող Պավել Զարուբինին տված հարցազրույցում ԱՄՆ-ի և Ուկրաինայի նախագահներ Ջո Բայդենի և Վլադիմիր Զելենսկիի հայտարարությունները՝ Ռուսաստանից իբր եկող միջուկային սպառնալիքի մասին, գիտակցության բուռն հոսք է անվանել։
«Ինձ համար դժվար է մեկնաբանել այն, ինչ վերջին ժամանակներս ասում է ԱՄՆ նախագահը, ես հիմա շատ չէի կարևորի բանավոր խոսքերը, որոնք հիմք չունեն»,- ասել է նախարարը։
Իսկ Զելենսկիի խոսքերը Լավրովն անվանել է «գիտակցության էլ ավելի կատաղի հոսք» և ասել, որ նրանց գործողությունները վերլուծելու համար բժշկական կրթություն է անհրաժեշտ։
«Ես բժշկական կրթություն չունեմ, Ուրսուլա ֆոն դեր Լյայենը բժշկական կրթություն ունի: Ես չեմ կարող պատասխանատվություն կրել այն մարդկանց հոգեբանական վիճակի համար, ովքեր ամեն օր բազմիցս ապացուցում են իրենց անհավասարակշռությունը»,- ամփոփել է ՌԴ ԱԳ նախարարը։
Ավելի վաղ ԱՄՆ նախագահ Ջո Բայդենը հայտարարել էր, որ դիտարկում է Ռուսաստանի կողմից մարտավարական միջուկային զենքի կիրառման իրական սպառնալիքը։ Իսկ Ուկրաինայի նախագահ Վլադիմիր Զելենսկին BBC-ին տված հարցազրույցում ասել է, որ աշխարհը կգտնի Ռուսաստանի առաջնորդ Վլադիմիր Պուտինին «կյանքից զրկելու» միջոց, եթե նա չդադարի «միջուկային զենքի սպառնալիքը»։
Ինչպես ընդգծել է ՌԴ նախագահ Պուտինը, միջուկային զենքը ստեղծվում է, որպեսզի ապահովվի Ռուսաստանի անվտանգությունը բառի լայն իմաստով, սակայն դրա կիրառման կարիք չկա։
