Նոր մանրամասներ` Ադրբեջանական Սոյուդլու գյուղում տեղի ունեցած իրադարձություններից
Միլի Մեջլիսի պատգամավոր Էլման Նասիրովն ասել է, որ Ադրբեջանի Գադաբայի շրջանի Սոյուդլու գյուղում միջադեպը հանկարծակի չի եղել. «Երկու շաբաթ առաջ Ռուսաստանից ժամանեցին երկու հոգի, ովքեր գումար էին հավաքել այդ իրադարձությունների համար։ Նշվում են նաև Գադաբայի շրջանի գործադիր իշխանության նախկին ղեկավար Սալեհ Ռուստամլիի և նախկին պատգամավոր Նազիմ Բայդամիրլիի անունները»
Այս մասին Միլլի Մեջլիսի այսօրվա նիստում ասել է պատգամավոր Էլման Նասիրովը՝ խոսելով Գադաբայի շրջանի Սոյուդլու գյուղում տեղի ունեցած վերջին իրադարձությունների մասին։
«Շատերը միանում են այս գործընթացին՝ չխորանալով դրա էության մեջ։ Ադրբեջանի ոստիկանությունը կատարել է իր պարտականությունը: Այս պահին մեկ ոստիկան գերազանցել է իր պաշտոնական լիազորությունները, և նա կպատժվի։ Ներքին գործերի նախարարությունն այս առիթով ստուգում է կազմակերպել եւ իր աշխատակիցներին ուղարկել Սոյուդլու։ Պետությունն օգտագործում է իր բոլոր հնարավորությունները՝ ցույց տալու այս իրադարձության էությունը»։
Ավելի վաղ հայտնել էինք, որ ոստիկանները ծեծի են ենթարկել Ադրբեջանի Գետաբեկի շրջանի Սոյուդլու գյուղի տարեց բնակիչներին, ովքեր բողոքում էին գյուղում արհեստական լճի կառուցման դեմ։ Ցրելով ցուցարարներին՝ ոստիկանները մահակներ են կիրառել տարեցների նկատմամբ։ Վերջիններս ստիպված են եղել պաշտպանվել քարերով։
