ՆԱՏՕ-ի հրահանգիչները փոխել են իրավիճակն Ուկրաինայի մարտադաշտերում. Ստոլտենբերգ

ՆԱՏՕ-ի հրահանգիչների գործունեությունը, ովքեր ուկրաինական ընթացիկ հարձակման համար պատրաստում էին Ուկրաինայի Զինված ուժերը, «փոխեցին իրավիճակն Ուկրաինայի մարտադաշտերում»։ Այս մասին հայտնում է ТАСС-ը՝ հղում տալով ՆԱՏՕ-ի գլխավոր քարտուղար Յենս Ստոլտենբերգը։

ՆԱՏՕ-ի գլխավոր քարտուղարն այս մասին հայտարարել է Վիսբադեն (Գերմանիա) Ուկրաինայի համար ՆԱՏՕ-ի անվտանգության աջակցության խմբի (SAG-U) բազա կատարած այցի ժամանակ, որը համակարգում է ուկրաինացի զինվորականների ուսուցումը և Կիևին զենքի մատակարարումը։ 
 

«Ձեր տրամադրած ուսուցումն ու խորհուրդներն ամեն օր իրական փոփոխություն են բերում մարտի դաշտում», - գլխավոր քարտուղարի խոսքերը մեջբերել է ՆԱՏՕ-ի մամուլի ծառայությունը: 

Մամուլի ծառայությունը պարզաբանել է, որ այս կերպ գլխավոր քարտուղարը Ուկրաինային օգնելու համար շնորհակալություն է հայտնել դաշինքի հրահանգիչներին։ Ստոլտենբերգը նաև կրկնել է, որ ՆԱՏՕ-ի աջակցությունն Ուկրաինային «կշարունակվի այնքան ժամանակ, որքան անհրաժեշտ կլինի»։
 

ՆԱՏՕ-ի եվրոպական երկրներն Ուկրաինայի զինված ուժերի համար ուկրաինական հարձակման մեկնարկին 24 հազար զինվոր են նախապատրաստել, ավելի վաղ հայտարարել է ԵՄ արտաքին քաղաքականության ղեկավար Ժոզեպ Բորելը։