Կիրկորովը միստիկ հետք է գտել «Տիտան» բաթիսկաֆի ողբերգության մեջ
Ռուսաստանի ժողովրդական արտիստ Ֆիլիպ Կիրկորովը «Տիտանիկ» նավի մասունքների մոտ «Տիտան» բաթիսկաֆի ողբերգության մեջ առեղծվածային հետք է գտել։ Այս մասին նա գրել է իր Telegram ալիքում։
«Եվ կրկին ողբերգությունը կապված է այս մեծ նավի հետ, և կրկին զուգադիպություններ, նույնիսկ ինչ-որ միստիցիզմ»,- գրել է նա՝ հավելելով, որ մինչև վերջ հավատում է անձնակազմի հրաշքով փրկությանը։ Նա «Տիտանիկի» մասունքներն անվանել է մահացածների հանգստավայր, և նրանց պետք չէ անհանգստացնել։
«Այդ ժամանակվանից մարդիկ պարբերաբար ու ավելի ու ավելի հաճախ են իջնում դեպի ավերակները՝ զվարճանալու նպատակով՝ մոռանալով, որ «Տիտանիկի» մասունքները (այդ թվում՝ պաշտոնապես) հանգստավայր են։ Չի կարելի, ընկերներ, չի կարելի այդպես «խաղալ», խանգարել ողբերգության վայրը, որը տեսել է ցավ, ողբերգություն և հուսահատություն»,- ասել է Կիրկորովը՝ հավելելով, որ խորտակված նավը կրկին կյանքեր է խլել, ինչը նշանակում է, որ զբոսաշրջիկների այցելություն այս վայր պետք է դադարեցվի։
Ավելի վաղ հայտնել էինք, որ ԱՄՆ առափնյա պահպանությունը հաստատել է, որ անհետացած «Տիտան» բաթիսկաֆի անձնակազմի հինգ անդամները մահացել են «աղետալի ներպայթման» պատճառով:
Հիշեցնենք` ստորջրյա սարքը կիրակի կորցրեց կապը «Տիտանիկը» տեսնելու համար 4000 մետր սուզվելուց երկու ժամ անց:
