«Աերոֆլոտը» Միներալնիե Վոդի-Երևան թռիչքներ կիրականացնի
«Աերոֆլոտ»-ը սկսում է Միներալնիե Վոդի-Երևան ուղիղ կանոնավոր չվերթների տոմսերի վաճառքը։ Թռիչքի օպերատորը «Россия» ավիաընկերությունն է։
Թռիչքները կիրականացվեն հուլիսի 12-ից՝ շաբաթական երեք անգամ՝ երկուշաբթի, չորեքշաբթի և ուրբաթ օրերին։
Բացի Միներալնիե Վոդիից իրականացվելիք թռիչքից, «Աերոֆլոտ»-ը ամառային չվացուցակով ուղիղ չվերթներ է իրականացնում Մոսկվայից, Սանկտ Պետերբուրգից, Սոչիից, Սամարայից, Եկատերինբուրգից և Վոլգոգրադից դեպի Երևան։
