Turkish Airlines-ն աշխատանքից ազատել է ընդդիմության գրառումները հավանած օդաչուին
Թուրքիայի ազգային ավիափոխադրող Turkish Airlines ավիաընկերությունն աշխատանքից հեռացրել է օդաչու Էվրեն Կապթանին՝ ընդդիմությանն աջակցող գրառումները հավանելու պատճառաբանությամբ։ Այս մասին գրում են թուրքական ԶԼՄ-ները։
Նշվում է, որ նա հավանել և տարածել է գլխավոր ընդդիմադիր Ժողովրդահանրապետական կուսակցության առաջնորդ Քեմալ Քըլըչդարօղլուին և նույն կուսակցությունից Ստամբուլի քաղաքապետ Էքրեմ Իմամօղլուին աջակցող թվիթերյան գրառումները։
Ընտրություններից հետո նրան հեռացրել են աշխատանքից։ Այժմ օդաչուն դատական գործընթաց է սկսում։
«Սա նշանակում է, որ ոչ ոք չի կարող աշխատել ընկերությունում, բացի Արդարություն և զարգացում կուսակցության անդամներից»,- սոցցանցերում գրել է Airport Haber-ի սեփականատեր, ընդդիմադիր Ալի Քըդըքը։
