ՏԵՍԱՆՅՈՒԹ. Ուկրաինան ծրագրում է HIMARS և Storm Shadow հրթիռներով հարվածել ՌԴ-ի շրջաններին. Շոյգու
Ուկրաինան ծրագրում է հարվածներ հասցնել Ղրիմին և Ռուսաստանի այլ շրջաններին՝ օգտագործելով HIMARS և Storm Shadow հրթիռները։ Այս մասին հունիսի 20-ին հայտարարել է ՌԴ պաշտպանության նախարար Սերգեյ Շոյգուն։ Տեղեկությունը հայտնում է iz.ru-ն:
«Մեր տեղեկություններով՝ Ուկրաինայի զինված ուժերի ղեկավարությունը ծրագրում է HIMARS և Storm Shadow հրթիռներով հարվածներ հասցնել Ռուսաստանի Դաշնության տարածքին, ներառյալ Ղրիմը», -նշել է նա գերատեսչության կոլեգիայի նիստում։
Շոյգուն նշել է, որ այդ հրթիռների կիրառումը հատուկ ռազմական գործողության գոտուց դուրս կնշանակի ԱՄՆ-ի և Մեծ Բրիտանիայի լիակատար ներգրավում հակամարտությանը, ինչպես նաև կհանգեցնի անհապաղ հարվածների Ուկրաինայի տարածքում որոշումների կայացման կենտրոններին։
