ՏԵՍԱՆՅՈՒԹ. Ինչու Քոչարյանը Արցախը դուրս թողեց բանակցություններից. Փաշինյանը մանրամասնեց
Վարչապետ Նիկոլ Փաշինյանն անդրադարձել է ԼՂ կարգավիճակի վերաբերյալ միջազգային հանրության ընկալմանը և Ղարաբաղին բանակցային գործընթացից դուրս թողնելուն։ Ըստ նրա՝ ՄԱԿ ԱԽ 5 մշտական անդամներից 4-ը, ԵԱՀԿ ՄԽ երկրները դիրքորոշում են հայտնել, թե Լեռնային Ղարաբաղը կարող է բարձր ինքնավարություն ստանալ Ադրբեջանի կազմում։
Նա նաև նշել է, թե Ղարաբաղին բանակցային գործընթացից հեռացնելը տեղի է ունեցել Ռոբերտ Քոչարյանի նախաձեռնությամբ: Սրա մասին են վկայել ԵԱՀԿ ՄԽ ֆրանսիացի համանախագահ Բեռնար Ֆասյեն, ՌԴ ԱԳ նախարար Սերգեյ Լավրովը, Հայաստանի առաջին նախագահ Լևոն Տեր-Պետրոսյանը և ինքը՝ Ռոբերտ Քոչարյանը, 2004թ. ապրիլի 3-ին «Գոլոս Արմենիի» թերթի ընթերցողների հարցերին պատասխանելիս։
«Ինչ է անում Ռոբերտ Քոչարյանը Հայաստանի նախագահի պաշտոնակատարի, ապա նախագահի պաշտոնում հայտնվելուց հետո: Լեռնային Ղարաբաղին զրկում է բանակցությունների մասնակցի կարգավիճակից, այսինքն` Քոչարյանի Հայաստանի նախագահ դառնալուց հետո Լեռնային Ղարաբաղի ներկայացուցիչները բանակցություններին չէին մասնակցում, մինչդեռ դրանից դրանից առաջ մասնակցում էին լիարժեք»,- նշել է Փաշինյանը:
Ամբողջական մանրամասները` տեսանյութում:
